Basalan.bizkaia.eus helbideak cookie-ak erabiltzen ditu, bereak zein hirugarrenenak, zerbitzua hobetu eta nabigazio ohiturei buruzko informazio estatistikoa lortzeko. Nabigatzen jarraitzen baduzu haien erabilera onartzen duzula ondorioztatuko dugu. Informazio gehiago nahi izanez gero Cookie-en atala kontsulta ezazu.

Contacto

Logo de la Diputación

Foru Aldundia - Diputación Foral

LANDARE AZOKA

Mundulandare IV. Azoka 2018

2018ko urriaren 6an eta 7an

UPV/EHUko Arboretuma, Leioa-Erandio

Munduko landareen IV. azoka 2018ko urriaren 6an eta 7an egingo da Euskal Herriko Unibertsitateko campuseko Arboretumean.

Bizkaiko Foru Aldundiko Iraunkortasuna eta Ingurune Naturala Zaintzeko Sailak eta Euskal Herriko Unibertsitateak antolatzen dute azoka hori eta Leioako eta Erandioko udalen babesa eta BBKko Gizarte Ekintzaren lankidetza dute.

2015ean jaio zen landare-ekoizleen topaketa bat izateko helburuarekin, munduan dauden espezie eta barietateak ezagutarazteko, eta azken hiru edizioak, publikoari dagokionez, arrakastatsuak izan dira. Merkataritza-harremanak hobetzeko erakusleiho bat eskaini nahi da eta, aldi berean, laborantza-teknikak eta -ezagutzak partekatu nahi dira.

Azoka burutuko den Arboretuma 2008an inauguratu zen. 19 Ha-ko azalera du eta 5 kontinenteetako 130 espezietik gorako 1.700 zuhaitz baino gehiago daude bertan. Espazio honen interes botaniko handiaz gain, Bilbo Metropolitarretik hurbil dagoen kokapen pribilegiatua dela eta, eta beharrezko zerbitzu guztiak (autobusak, aparkalekuak, sarrera onak, hitzaldietarako gelak...) dituenez, azoka egiteko toki ezin hobea da.

Ekitaldi hau, bildumarako landare-ekoizle, kontsumitzaile eta afizionatuentzako urteroko hitzordu bezala finkatzea gustatuko litzaiguke.

 

Azoka

Erakusleek euren bildumak erakutsiko dizkigute eta guk aukera izango dugu 5 kontinenteetako landareak ikusteko eta benetan prezio lehiakorretan erosteko; landare gehienak guretzat ezezagunak dira, baina lorategietan eta balkoietan erraz lantzeko modukoak dira.

Azoka toki pribilegiatu baten egiten da, EHU-UPVren Arboretumean, Leioako Campusean, botanikoentzat eta landareen zaleentzat aparteko interesa duen tokian, alegia.

Azoka egingo den esparruan bertan bisitariak indarrak berritzeko aukera edukiko du tokiko produktu asko dastatuz eta Arboretumeko bidezidorretatik paseatuz.

Bizkaiko esparru natural politenetako baten aisialdiko ordu gozo batzuk pasatzera animatzen zaituztegu.

Landare erakusleak Datu praktikoak